هام الى الطلبه المستجدين بالمعهد الفنى الصناعى بالزقازيق

هام الى الطلبه المستجدين بالمعهد الفنى الصناعى بالزقازيق
----------------------------------------------------------------------------
س1: من يحق له الالتحاق بالمعهد الفنى الصناعى ؟
يحق الالتحاق لطلاب الثانوى العام العلمى رياضه وعلوم
وطلاب الثانوى الصناعى .
.......................................................................................
س2:ماهى مده الدراسه بالمعهد ؟
مده الدراسه بالمعهد سنتين
.................................................................................
س3: ما هى اقسام المعهد الفنى الصناعى بالزقازيق ؟
الاقسام كهربيه وهى
(اجهزه الكترونيه&شبكات &الات)
الاقسام الميكانيكيه وهى
(تبريد وتكيف&سيارات&تشغيل&تشكيل&لحام)
الاقسام المعماريه وهى
(ديكور&مدنى&عماره)
..............................................................................
س4:ماهو القسم اللى بيدخله طلاب ثانوى عام فى المعهد ؟
بيدخلوا قسم أجهزه الكترونيه ..وده افضل قسم
وممكن يدخل اى قسم بس حسب المجموع
.......................................................................................
س5:ايه القسم اللى بيلتحق بيه طلاب ثانوى صناعى ؟
بيكملوا فى نفس القسم اللى كانو فى فى الدبلوم 3 سنين ..
او بينضموا الى اقسام اخرى
.........................................................................................
س6:ما هو الحد الادنى للمعهد الفنى الصناعى ؟
الحد الادنى من الثانوى العام يبدا من %50
ومن الثانوى الصناعى يبدا من %74
...................................................................................
س7:ازاى اقدم فى المعهد ؟
التقديم فى المعهد عن طريق مكتب التنسيق
ثم التقديم فى المعهد بعد ظهور نتيجة التنيسق .
.........................................................................................
س8:ماهى مصاريف المعهد وهل هو حكومى ؟
مصاريف المعهد فى سنه اولى حوالى 85 جنيه
وفى سنه تانيه حوالى 54 جنيه
وايضا هو حكومى تبع وزاره التعليم العالى .
.........................................................................................
س9:ماهو نظام الدراسه بالمعهد ؟
نظام الدراسه انك بتحضر المحاضرات ومعامل وتذاكر وتجتهد ودول اهم حاجه ..وانك يكون عندك رغبه فى التفوق وتحقق حلمك ..وكمان تاخد دروس علشنان أعمال السنه %40 من المجموع الكلى .
.........................................................................................
س10:ما هى الكليات المتاحه بعد المعهد الفنى الصناعى ؟
1-كلية هندسة بترول وتعدين جامعة السويس .
2-جميع كليات الهندسه الموجوده بمصر كلها .
3- كلية تعليم صناعى (حلوان&السويس&سوهاج&بني سويف).
4--كلية تربية تعليم صناعى (حلوان&المنيا) .
5-جميع كليات التربيه النوعيه الموجوده بمصر كلها .
6-كلية فنون جميله خاصه بالاقسام المعماريه فقط .
7-المعاهد الهندسه الخاصه .
.....................................................................................
س11:كليه هندسه بتاخد من كام من المعاهد الفنيه؟
كليه هندسه بتاخد من فوق 90%..
.............................................................................
س12:هو بعد المعهد بادخل على اولى هندسه ولا اعدادى ؟
انت بتدخل على اعدادى زيك زى طلاب ثانوى عام
...................................................................................
س13:هل لو انا جبت مجموع هندسه لازم ادخل معادله ولا ايه؟
لو جبت مجموع هندسه من المعهد بتدخل هندسه على طول ولينا تنسيق خاص غير ثانوى عام ...المعادله للى مجبش مجموع هندسه يعنى فرصه تانيه للدخول لهندسه جوه المعهد
...................................................................................
س14:طيب لو معرفتش اعدى ال90% فى المعهد اعمل ايه ...يبقى ضيعت سنتين على الفاضى؟
لا ...انت ممكن تقدم فى معادله هندسه ...وهتمتحن فى مواد ثانوى عام (فيزياء -جبر-تفاضل-الميكانيكا)....
ولو جبت 50% فقط نجحت يعنى بتدخل هندسه
.......................................................................................
س15:تنصحنى بايه لو ناوى ادخل المعهد؟
انصحك بالجد والاجتهاد ...وانك تكون على ثقه بالله وبنفسك انك تقدر تحقق حلمك ..وانك تبتعد عن اى حاجه ممكن تشغلك وتضيع وقتك مثل (البنات&واصحاب السوء&الخ)
..........................................................................................
س16-ما هى خطوات القيد للطلاب المستجدين بقسم شئون الطلاب؟
1- التاكد من وجود الطالب بكشوف التنسيق
2- توقيع الكشف الطبى على الطلاب المستجدين والمرشحين
3- توزيع الطلاب على شعب المعهد كلا فى تخصصه
4- سداد المصروفات على التخصصات بعد التاكد من وجود الطالب فى التخصص
ثم بعد ذلك استخراج كرنيه المعهد والذى يتم استخراجه بعد سداد الرسوم
5- يتم بعد ذلك عمل جميع الخدمات لكل الطلاب حسب ما يطلب لكل طالب

...........................................................................................
عنوان المعهد :- ش الجيش بجوار مستشفى الرمد
تليفون وفاكس:- 2303584/ 055
البريد الالكترونى ZITI55@yahoo.com
هام الى الطلبه المستجدين بالمعهد الفنى الصناعى بالزقازيق 43827300

هام الى الطلبه المستجدين بالمعهد الفنى الصناعى بالزقازيق 43827300

هام الى الطلبه المستجدين بالمعهد الفنى الصناعى بالزقازيق 884883819

هام الى الطلبه المستجدين بالمعهد الفنى الصناعى بالزقازيق 1460631159

» خطوات القيد للطلاب المستجدين بالمعهد الفنى الصناعى بالزقازيق
» مناهج المعهد الفنى الصناعى بالزقازيق
» عنوان المعهد الفنى الصناعى بالزقازيق
» مذكرة رياضه المعهد الفنى الصناعى بالزقازيق
» مشروع تخرج شعبة أجهزه الكترونيه المعهد الفنى الصناعى بالزقازيق 2015